Que é artisteando?

É o proxecto da miña vida. Dinlle forma a finais do 2024, pero todo comezou no 2021 con @ilustrandoconbel.

O cambio chegou nun momento de transición, tanto persoal como profesional, e sentín que era o momento de apostar polo que me enche e me fai feliz: converter a miña paixón no meu traballo.

Detrás de todo isto estou eu, Belén, unha rapaza sensible, creativa e sinxela. Xa hai catro anos que descubrín a cerámica e dende entón non deixei de crear, aprender, conectar e manchar as mans de barro.